Hér er þetta:

Undanfarin ár hef ég verið starfsmaður öryggisnefndar Háskóla Íslands og sem slíkur hef ég búið til ýmislegt fræðsluefni vegna öryggismála við skólann.  Ég legg hér fram dæmi, umsókn minni til stuðnings. 

Öryggisvefur háskólans:

Efni á vefnum hef ég skrifað að mestu sjálfur en að nokkru leyti upp úr öryggishandbók háskólans sem gefin var út fyrir nokkrum árum.  Myndböndin á síðunni eru mín smíði: ég skrifaði handritið, leikstýrði, tók upp, klippti, bjó til undirspilið og ég er þulurinn.  Svona gerist þegar peningar eru af skornum skammti. 

Til að forða ykkur frá því að þurfa að fletta í gegnum allan þennan vef til að finna myndböndin set ég tvö þeirra hér, sem dæmi.

Markhópur þessa efnis er fólk sem er að hefja nám eða störf á rannsóknastofum við háskólann og ekki líklegt að aðrir endist til að horfa á þetta enda er viðfangsefnið sennilega ekki skemmtiefni þó aðeins sé brugðið á leik í lok beggja þessara myndbanda.

Fyrst er hér almennur inngangur:

Hér er fjallað um persónuvarnir:

Læt fylgja hér með lítið myndband sem við gerðum nokkur til að auglýsa öskudagsleik í Öskju, náttúrufræðihúsi háskólans. Ég tók þetta upp, leikstýrði og klippti.

Markhópurinn er starfsfólk og nemendur við líf- og umhverfisvísindadeild háskólans en þar starfaði ég þegar þetta var gert. Skiltin eru á ensku vegna þess hve margir útlendingar starfa við deildina.

Mér finnst þetta dáldið fyndið en það er kannski bara af því að ég þekki fólkið sem þarna bregður á leik.